My name is රයිටර් who writes, some kind of ඇවටියෙල් stories..

Friday, August 5, 2016

වරක් වෙන්ව ගිය පසු




වරක් වෙන්ව ගිය පසු
නැවත වෙන්වීමක් නැත,
එහෙයින් යළි යළිත්
අහිමි වීමක් ගැන
කිසි බියක් නොසිතාම
හිතේ හැටියට ඔබට,
පෙම් කරන්නට
මට හැකිය...

~ අන්කන්ඩිෂනල් රයිටර්~

Wednesday, August 3, 2016

හිත නවතින එකම එක තැන



අතීතය
හරහාම
දිවෙන
එක්තරා
මාවතක
හැමදාම
හිත නවතින
එකම එක
තැනක් ඇත

~ එන්ටෑන්ග්ල්ඩ් රයිටර් ~

Tuesday, August 2, 2016

ඔබේ තද දුඹුරු ඇස්




වහා ඇබ්බැහිවෙන සුළු
ඔබේ තද දුඹුරු ඇස් හා
ස්නේහයෙන්
බැඳෙන්නැයි
බල කළාවූ
ඉතිහාසයක
පැටලී හිඳිමි

~ ඇඩික්ටඩ් රයිටර් ~

Monday, August 1, 2016

මට මා අහිමි වන තැන



ඒ කවි, කතාවල පරිදි
මට මා අහිමි වන
එක්තරා වූ
තැනක් ඇත...

එතැන සිට නුඹ,
හිඳිනා තැනට
සුවිසාල වූ
දුරක් ඇත...

ප්‍රියාවිය,
ජීවිතය නම්,
එහි, නමක් නැති
සමහරක් කවිද ඇත...

~ අන්ක්නෝවුන් රයිටර් ~

Sunday, July 31, 2016

දෙදෙනෙකුට මිස




දෙදෙනෙකුට මිස
එකවර තනි තනිව
හුස්ම ගෙන
පුරුදු නැති
හදවතෙහි
දුක්බර හඬට
කන් දෙමි,

මන්දිරා, ඔබ හුන්
හිස් අසුන වෙත
ගුරු මේසයේ සිට
ඇති දුරම මිස

දෙසිතක් අතර දුර
නොවන බැව්
'හදවතට හඟවමි

~ ටීචින්ග් රයිටර් ~