My name is රයිටර් who writes, some kind of ඇවටියෙල් stories..

Sunday, July 24, 2016

දෑස් පත්ලක මංමුලා විම




අහඹු දෑස් පත්ලක
මංමුලා විම
හුදු තාවකාලික මුදු,
එකම දෑසකට
ඇබ්බැහි වීම
සදාකාලිකය

~ ඇඩික්ටඩ් රයිටර් ~

Saturday, July 23, 2016

පාර වැරදුණ සුළං




පාර වැරදුණ
නුරා සුළඟක්
වසා අගුලු ලු
කවුලු පියනක
හැපී ඉකි බිඳ
හඬනවා
ඇසිණි...

~ ලයින්ග් රයිටර් ~

Friday, July 22, 2016

දුකට කියනා වූ පර්යාය පද



කවිකාරියනි
අතීතය යනු,
"
දුකට" කියනා වූ
පර්යාය පදයකි...

මතුපිටින් සිනාසී
ඇතුලතින් දැවෙන
අප දෙහදවතට
උහුලා ගැන්ම මේ යැයි
පහදා දෙනු පිණිස,
ඔබද මාද එක්ව
පසුකලා වූ
ඒ මිහිරිතම
කාල වකවානුවයි
අපි ස්නේහයෙන්
බැඳුණු අවධියයි

~ ඇන්සෙස්ට්‍රල් රයිටර් ~

Thursday, July 21, 2016

මේ කවි ම'හැර යන දාක



ළබැඳියනි,
මේ කවි
'හැර යන දාක,
බැරි වුනත් හිත
හදා ගන්නට
හැකිය

ඒ වුණත් ඔබ,
ඒ කවිකමද ගෙන
බොහෝ දුර
ඈතක යෑම
දරාගන්නට මට
හැකිකමක් නැත

~ ඩිලපිඩේටඩ් රයිටර් ~

Wednesday, July 20, 2016

සුසානමය පාළුව




සුසානමය පාළුව
හද දවන
මොහොතක,
සීමාවක්
නොවේ නම්
ඉහිලුමක,
වළාකුලක
හැපී හෝ වුව
හදවතකට
මියැදිය හැකිය.....
~ ක්ලවුඩි රයිටර් ~