Wednesday, November 9, 2016

අකුණක්ව ඔබ




අකුණක්ව
ඔබ පිපිරුණු
නුගේගොඩ
අහස යට,
කල්පයකට පසුව
අදටත් මම,
තනිව
පිපිරෙමි...

~ එක්ස්ප්ලෝඩඩ් රයිටර් ~

Tuesday, November 8, 2016

ටශ්වීනියා...




ටශ්වීනියා...,
ඔබ කැමැතිද
අතීතය යළි
කියවන්න...

"මෙහෙම වුණා"
නම් යැයි හිතෙන,
තැන් කීයක්
තිබෙනවා'දැයි
බලන්න...

ඔබ කැමැතිද
එක මොහොතකට
විතරක් එන්න...

ඉන්පසු ඔබ,
ඔබගේ ගමන යන්න
මට අවැසි නෑ ඒ
බැඳීම් හැර එන්න..

ටශ්වීනියා...,
හැකිනම් පැමිණ,
මේ සිහිනයෙන්
මා මුදවා යන්න...

~ වීපින්ග් රයිටර් ~

Monday, November 7, 2016

වෙරිවුණ ලයිට් කණු




ඔබේ දෙතොලතර
තෙරපී
සිහිසන් වන්නට
සිහින දකිනා වූ,
දඩබ්බර
දෙතොලකට
තරවටු කරමි...

අදත් හොඳටම බී
වෙරිවුණ ලයිට් කණු,
පරිස්සමට
ගෙදර ඇරලවමි...

~ ඩ්‍රන්කන් රයිටර් ~

Sunday, November 6, 2016

නෘත්‍යාශා




සදාදරණීය
"
නෘත්‍යාශා",
ඔබ නිමක් නැති
කවියකි,
දෙතොල් මත
රිසි පරිදි,
වර නගා ගත
හැකිව ඇති...

මෙලොව පවතිනා වූ
සියළුම දේ ගැන
ලියා ඉවර වූ පසුවත්,
ඔබේ ඇස් ගැන
ලියන්නට,
මට දෙයක්
ඉතිරිව ඇති...

~ අන්ලිමිටඩ් රයිටර් ~

Saturday, November 5, 2016

කල්පෙකට පසු ඔබ..



කල්පෙකට පසු අද
ඔබව දුටුවෙමි...

දිගු නිද්‍රාවකින්
පසු ඇහැරුණ,
හිතද රවටා ගතිමි...

මගේ ප්‍රියතම
කොණ්ඩ මෝස්තරය,
ඔබ දමා ඇත්දැයි බලමි...

ඒ කොණ්ඩ කටු හා මුදුවද,
ලා පාට බෑගයද, මාලෙද,
මා තිලිණ දුන් ඒවා වගට
සහතික කර ගතිමි...

මෘදු ලැවැන්ඩර් සුවඳ
ළඟින් හමතැයි හඟිමි...

ඔබට ළංවී
තුරුළුව ඇවිදින,
තව කෙනෙකු දැක ගනිමි...
 
ඒ කවුරුදැයි
නොහඳුනමි...

ඉනික්බිති එය
සිහිනයක් බැව්
මම තනිව මුමුණාගමි,
කිසිත් සිදු නොවුණ සේ
යළිත් ආපසු හැරෙමි...

~ අන්අයිඩින්ටිෆයිඩ් රයිටර් ~