Monday, October 23, 2017

ඔබ ලියුම් එවිය යුතු ලිපිනය

කුඩා කඳු වළල්ලක්
මැදි කොට
තැනූ පටු මාවතක,
බිම අතුල මුදු
රෝස තිරුවාණය,
විලෝ තුරු
වියන හිසටය,

දෙපස නිල් මල් ගොමුවද,
ඔබ කැමැතිම
කැමේලියා පඳුරුද,

හඳුනාගැන්ම පහසුය,
කෙළවර තිබෙයි පොකුණක්,
අද්දර පෙනෙයි කුටියක්


...................................

මුදු සුළං
සරැළිතක බාරේ,
විලෝ තුරු
සෙවණ පාරේ,


ඔබ කැමති නමකින්
"ආමන්ත්‍රණය" කොට,


විහඟ බිඟු ජනපදය,
ශේෂ කඳු නිම්නය,

යන ලිපිනයටය,
ඔබ ලියුම්
එවිය යුත්තේ...

 
~ එඩ්‍රස්ඩ් රයිටර් ~

5 comments:

  1. මගේ කවිය දාපන් හොඳ හිතින්! නැතිනම් තියෙන ලිපිනයත් නැතිවෙන්න වැඩක් කරනවා මම!!! ගර්ර්ර්...

    ReplyDelete
    Replies
    1. කෝ මොන කවියද ? එහෙම කමෙන්ට් එකක් ස්පෑම්වලත් නෑ !

      Delete
    2. හෑ ! අලේ... මගේ කවිය කවුදෝ කාලා..... ලිපිනයක් නැතුව නැතිවෙලා... දෙය්යනේ නත්තල් සීයට වත් ලැබෙයිද???

      Delete