දික්කසාදය

ඔබේ කන්තෝරු
මේසය මත තිබුණ
බොහෝ කඩදාසි මත
ඔබ කුරුටු ගා තිබුණ,
"ඉංග්‍රීසි අකුර",
ඔබගේත්, මගෙත්,
අප දරුවකුගේත්
මුලකුරක් හෝ,
නොවන බැව්
දැන සිටියෙමි ..

එහෙත් සති
කිහිපයකට පසුව,
ඒ මේසය මතම
ඔබ ගෙනවිත් තිබුණ
දික්කසාද
ඉල්ලුම් පත්‍රය,
එ ඉංග්‍රීසි අකුර
නිසාවෙන් යැයි
දැන් හොඳාකාරව දනිමි...

ඉනික්බිතිව හමුවුණ
නොයෙක් තානායම් බිල්ද,
දුර බස් ගමන් ගැනද,
කමිස කොලර අග තිබුණු
රතු තොල් පැල්ලම් ගැනද
ඔබගෙන් තවදුරටත්
ප්‍රරශ්න කිරීමකින් තොරවම
ස්වේඡ්ඡාවෙන්
පිළිතුරු සපයාගතිමි

~ ඩිවෝර්ස්ඩ් රයිටර් ~