Wednesday, August 23, 2017

Polluted Love | a Tired Kiss


දුම් දූලි දැලි වැකුණු
ලයිට් කණුවල ලැග,
කුස ගින්දරෙන්
මර හඬ දෙති

කැහැටු කේඩෑරි
සිරුරක් හිමි,
වාචාල ගති ඇති
කාකයින් රැළ,

"ප්‍රේමියෙනි, අල්වා ගනු මැන
වැරෙන්, වැරෙන් මගෙ අත"
වසුරු පාවඩ මතින් පියවර,

සොඳුර අර බලනු
මඩ පැහැති දියවර,

විස වැකුණු හුළඟින්
ළය පිරී පිපිරෙන'තර,
බේරේ වැව පිස හමා යයි
කොන්ක්‍රිට් බිල්ඩිමක ප්‍රාණය,

කාබන් රැස් වළල්ලක් මැද,
කහ ඉර මියැදුණේ නම්
අදක, ඊයෙක,

දැදුරු වූ ඕසෝන් වියන යට හිඳ,
සියක් දහසක් දෑස් මග හැර,
විඩාපත් ඔබේ නළල් තල මත
ධූලි සූඳැති හාද්දක‍ටය අවසර...


~ පොලියුටඩ් රයිටර් ~

1 comment: