අයිස් හාදු

ස්නේහ සා
පිපාසාවෙන්
පෙළෙනා වූ
දෙතොලකට
අයිස් හාදුවක්
අවැසිය...

~ ඩ්‍රයිඩ් රයිටර් ~

විරසක සයන

ප්‍රියයෙනි,
සයනයද
සුසානයකි,
ඔබ විරසක වූ
මෙවැනි
මුසල දවස්වල

වතුර මල යටින්
ගිලිහෙන්නේද
උණුම උණු
ගිණි දැල්ය,
සියොලඟම
දවාලන

~ බර්න්ඩ් රයිටර් ~

අභයදානය

 බීෆ් කරි පෝෂන්
විකුණන හෝටලයක,
පිරී ඉතිරුණ කැටයකි
අයකැම් අසුන ලඟ,
අභයදානයකට
ආධාර පිණිස
ගවයින්ට

~ කන්ෆියුස්ඩ් රයිටර් ~

සපථ කාරණා

ඔබ ඇවිත්
ගියා වූවද,
ගිය බවක්
නොදැනීමම,
ඔබ හිතේ
උන්නු තැන
සපථ කරනා වු
කාරණාවක්
නොවෙද...

~ බේබිෂ් රයිටර් ~

බමන මත

අගනුවර කළු………වර වීදියක
හෙවණැලි ස...මග පිළිස්‍රඳරක
ප්‍රේමයෙන් ආ.....තුර හිතට
බමන මත පමණි....... සැනෂුම

හිස කර..කැවී බිම.. පථිත ව..න
දෙවැල මිට හා...නික......ට රිධුමකි
ඔබ ඇවිත්දැයි හො..ය....න
ඇඟිලි තුඩු විපරමෙ....නි තිරය මත

~ ඩ්‍රන්කන් රයිටර් ~