තෙමෙන්න

"තෙමෙන්නැයි"
කිය කියා
ඇදහැලෙන
වැස්සට
කුමට ඉහලා
ලතවෙම්ද කුඩ

~ වෝටර් ෆ්රූෆ්ඩ් රයිටර් ~

සඳක වැළපුම

වැසුව පසු
"දොර"
වැළපෙයි
"සඳ එළිය"
දොරකඩ

~ ක්ලොස්ඩ් රයිටර් ~

නටඹුන්ව යන ප්‍රේම ඉතිහාසයන්

හදිසියේ හටගත්
ප්‍රේම ඉතිහාසයන්
එ 'හටගත් පරිදි
හදිසියේම
නැති වන්නේ නැත...

ඇතුල් හද බිත්ති
දුබලව, සුන්බුන්ව,
එකක් මත එකක්
ගරා වැටෙනා තෙක්,
එකී ප්‍රේමය
නැති වන්නේද නැත...

එහෙත් එවන් වූ
ප්‍රේමයක අංශුවක්
ඉතිරිව ඇති හදවතක්,
කවදාක හෝ සුන්බුන්ව
නටඹුන් වන්නේද නැත...

~ රුයින්ඩ් රයිටර් ~

චුරු චුරුව

දිගු කලකට පසු
දැකීමෙන් සතුටුව
අත් හැර නොයයි අහස
තවමත් ඒකයි චුරු චුරුව

~ රේනි රයිටර් ~

පිළිල ප‍ෙම

කෙතරම් කීවද
ප්‍රේමයෙන් වග,
පිළිලයට
ගැරහුමක් මිස,
ගසකින් හිමි
සෙනෙහසක් නැත...

~ පැරසිටිකල් රයිටර් ~