දෙදෙනෙකුට මිස

දෙදෙනෙකුට මිස
එකවර තනි තනිව
හුස්ම ගෙන
පුරුදු නැති
හදවතෙහි
දුක්බර හඬට
කන් දෙමි,

මන්දිරා, ඔබ හුන්
හිස් අසුන වෙත
ගුරු මේසයේ සිට
ඇති දුරම මිස, 

දෙසිතක් අතර දුර
නොවන බැව්
එ'හදවතට හඟවමි

~ ටීචින්ග් රයිටර් ~

ශාන්ත සෙබස්තියන් වීදිය

ශාන්ත
සෙබස්තියන් වීදිය
කොයි තරම්
නිහඬද

නැවතී කතා
කරනවා නම්
මේ බංකුව තමයි
හොඳම තැන

ලා පැට්‍රීශියා
අවන්හලේ
කෙලවරේම
මේසෙක
ඉඳගෙන
උණුසුම්
කෝපි බඳුනකට
අපේ දුක
කියමුද

~ රයිටර් වෝස් කිල්ඩ් බයි අ කියුපිඩ් ~

ගනුදෙනු

ගනුදෙනුව,
කතාකරගත්
පරිදිමය...

හිස සිප ගැන්ම,
රහසින් කෙඳීරීම,
නළලත හාදු රැඳවීම,
සහ ආදරෙන් ඇමතීම,
පමණක් තහනම්ය...

ගණුදෙනුකාර
සුපෙම්වත,
පැයක කාලය
ගිණීම,
මෙතැන් සිට
ඇරඹෙනු ඇත

~ ගිල්ටි රයිටර් ~

අවසාන වරට දකින විට ඔබ

අවසාන වරට
දකින විටදිත් ඔබ
මුව දරා සිටියේ
මන්දස්මිතයක්ය,
නෙත පිරී තිබුණේ
තෙත කඳුලක්ය

~ ලාස්ට් සීන් රයිටර් ~

නුඹ දැන ගත යුතුය

හැමදාම
කවි නැති වග
ඉතිං දුප්පත් හිත
නුඹ දැන ගත යුතුය...

ඒ වාගේ දවස්වල,
එකම බත් පිඩ
සියක් වර අනනට
බැලු බැලු අත
බලාගෙන හිඳුමට
හොරෙන් ඉකිබිඳ
තනිව හැඬුමට
අහෝ හිත නුඹ මට
සහය විය යුතුය

~ හෙල්ප්ලස් රයිටර් ~