බිළිඳු කෝළම්

අඩ අඳුරු
විදුලි පහනක,
මද එළිය හා මුසුව
මහ රෑක මැදියම අවදිව,
බිත්ති මත සෙවණැලි
මවයි දෑතින් ඔබ,

"ඔන්න ඔන්න
දැක්කද බස්සෙක්"
"මේ මෙන්න මේ
වළහෙක්"

ගෙදර ගෙන ආ
කන්තෝරු අධික වැඩ,
මගේ තනියට
පසෙකින්ය ඔබ,

ගිණුම් වගු හා
ලේඛන ගණන් මට,
පිට පිටම පටලයි
කිහිප සැරයක්ම,

හෙටත් බැනුමක්
අසනු පිණිසව,
හදාගත යුතුය හිත,

කන්තෝරු "මහතැන" මට
කමාවුව මැන,
හිත එකලාසයක් නැත
මෙ'බිළිඳු කෝළම් අස

~ ඕවර් වර්කින්ග් රයිටර් ~
 

Pic | Internet