කියන දේ නාහනකම

මහා හයියෙන්
වැහැපු හවසක,
මගෙන් පොඩි
බැනුමකුත් අහගෙන,
නාගෙන ආ ගමන්මය ඔබ
පුරව ගත්තේ
අයිස් මග් එක,

සාලයේ අසුනක
හරිබරි වී වාඩිගෙන,
රව රවා හොරැහින් මට
පෙන්වයි තව
හයිරන්කාරකම,

"හදා ගන්නවකෝ, නැති ලෙඩ,
කියන දේ නාහනකම"
මතුර මතුරා තනියම,
පිපිරුණේ මම බොරුවට,
 
ඔබේ උඩු තොල'ග රැඳි මෘදු
සුදු හිම කිරම පැල්ලම,
බදා ඇදගෙන
තුරුල්ළට ඔබව,
සිපගත හැකි විදිහකුයි
සැලසුම් කලේ මම

~ ප්‍රිටෙන්ඩින්ග් රයිටර් ~

Pic | www.istockphoto.com/photos/woman-eating-ice-cream