Thursday, October 12, 2017

රතු පාට ලදරං ටකරං බස්


ඉතිහාසයක ගැඹුරු දුර
ගොඩකර දමන්නට,
නොහැකිවී ලතැවෙන
ඝනාලේපිත 'තීන්තස්ථර'

උසස්පෙළ අවසාන දවසක
බස් රියක පසුපස අසුනක,
'කුරුටු' ගෑ අපි අපේ නම්වල
ඡායාවකිය හිත්වල,

උපාධියෙන් ඉක්බිතිව
දෙවෙනි පත්වීම ගමට,
ම'ප්‍රිය බිරිඳ හා පුතුද
අතීතෙන් ලද කදමලු බරද,

රතු පාට ලදරං ටකරං බසය,
අතීතෙන් පැන ආ
යගදාවක් විලස,
තලා පෙලා හදවත මැඩ
දුක් සුසුම් ගිලිහෙන'තර,

"හා ! හා !! පුතා බස්වල,
සීට්වල, යන එන තැන්වල,
බලි කුරුටුලන්නෑ
හොඳ ළමෙක් වුණහම..!"


ඇසෙයි තරවටුවක්
බිරිඳගෙන් පුතුට,
පණ ඇද ඇද දුවන
ලංගම ඇන්ජින්
සද්දෙට මුසුව

~ ශොක්ඩ් රයිටර් ~


Pic | http://sltbbus.blogspot.com

2 comments: