Thursday, October 12, 2017

රහසින් කළ පව්



 

ආනාපානසති, සමථ
විදර්ශනා භාවනාදී,
සියලු වැඩසටහන්
මා පැවැත්වූ අතරතුරදී,

 

 අර්ධ පර්යංකයෙන්
බිත්තියට පිට දී,
හුන්නේ ඇයයි
බණ මඩුව කෙළවර,
දැහැනකින් ධ්‍යාන ගතවී, 

 

සිල්ගත් උපාසක හිස් ගෙඩි
සියක් බාධක පවුරු මගහැර,
වටාපත මත හැපී විසිරි බිඳුණ,
ඇගේ ළය සීතල හුස්මක්ය,
මේ මහා නස්පැත්තියට මුල,

 

ධර්මයේ ගාථා අතර,
පැරණි බණ පොත්
පුස්කොල ගර්භ මැද,
පෙම් කවි ලිය ලියා සැඟවීම,
රහසින් කළ පවකි
ඈ රූ කටු කුරුටුගෑම.

 

 ~ ඩිස්රෝබ්ඩ් රයිටර් ~


2 comments: